ਤੁਰਕੀ ਦੀ ਫੌਜ ਨੇ ਇਸ ਮੁਸਲਿਮ ਦੇਸ਼ 'ਤੇ ਕੀਤਾ ਜ਼ਬਰਦਸਤ ਹਮਲਾ

Turkey,27 OCT,2024,(Azad Soch News):- ਤੁਰਕੀ ਦੀ ਰਾਜਧਾਨੀ ਅੰਕਾਰਾ 'ਚ 23 ਅਕਤੂਬਰ ਨੂੰ ਹੋਏ ਹਮਲੇ ਤੋਂ ਬਾਅਦ ਤੋਂ ਤੁਰਕੀ (Turkey) ਦੀ ਫੌਜ ਕੁਰਦ ਸੰਗਠਨਾਂ ਦੇ ਟਿਕਾਣਿਆਂ 'ਤੇ ਲਗਾਤਾਰ ਹਮਲੇ ਕਰ ਰਹੀ ਹੈ,ਤੁਰਕੀ ਦੀ ਫੌਜ ਨੇ ਇਰਾਕ ਅਤੇ ਸੀਰੀਆ ਵਿੱਚ ਮੌਜੂਦ ਕੁਰਦ ਮਿਲੀਸ਼ੀਆ ਦੇ ਦਰਜਨਾਂ ਟਿਕਾਣਿਆਂ 'ਤੇ ਹਵਾਈ ਹਮਲੇ ਕੀਤੇ ਹਨ,ਤੁਰਕੀ ਦੇ ਰੱਖਿਆ ਮੰਤਰਾਲੇ ਦੇ ਅਨੁਸਾਰ, ਉੱਤਰੀ ਸੀਰੀਆ ਵਿੱਚ ਸੀਰੀਅਨ ਕੁਰਦਿਸ਼ ਪੀਪਲਜ਼ ਪ੍ਰੋਟੈਕਸ਼ਨ ਯੂਨਿਟ (ਵਾਈਪੀਜੀ) (YPG) ਦੇ ਟਿਕਾਣਿਆਂ 'ਤੇ ਤੁਰਕੀ ਦੀ ਫੌਜ ਦੁਆਰਾ ਕੀਤੇ ਗਏ ਹਮਲਿਆਂ ਵਿੱਚ ਘੱਟ ਤੋਂ ਘੱਟ 17 ਵਾਈਪੀਜੀ ਲੜਾਕੇ ਮਾਰੇ ਗਏ ਹਨ,ਬਿਆਨ 'ਚ ਮੰਤਰਾਲੇ ਨੇ ਕਿਹਾ ਕਿ ਆਪਰੇਸ਼ਨ ਯੂਫਰੇਟਿਸ ਸ਼ੀਲਡ ਅਤੇ ਆਪਰੇਸ਼ਨ ਪੀਸ ਸਪਰਿੰਗ (Operation Peace Spring) ਦੇ ਹਿੱਸੇ ਵਜੋਂ ਉੱਤਰੀ ਸੀਰੀਆ (Northern Syria) ਦੇ ਮਨਬਿਜ ਖੇਤਰਾਂ 'ਚ ਕੀਤੇ ਗਏ ਹਮਲਿਆਂ 'ਚ ਵਾਈਪੀਜੀ ਲੜਾਕਿਆਂ (Operation Peace Spring) ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ,ਸਮਾਚਾਰ ਏਜੰਸੀ ਸਿਨਹੂਆ ਮੁਤਾਬਕ ਤੁਰਕੀ ਦੀ ਫੌਜ 2016 ਤੋਂ ਇਸ ਇਲਾਕੇ 'ਚ ਕੁਰਦ ਮਿਲੀਸ਼ੀਆ ਖਿਲਾਫ ਮੁਹਿੰਮ ਚਲਾ ਰਹੀ ਹੈ,ਜਿਸ ਵਿੱਚ 2016 ਵਿੱਚ ਯੂਫਰੇਟਸ ਸ਼ੀਲਡ, 2018 ਵਿੱਚ ਓਲੀਵ ਬ੍ਰਾਂਚ (Olive Branch) ਅਤੇ 2019 ਅਤੇ 2020 ਵਿੱਚ ਪੀਸ ਸਪਰਿੰਗ ਮੁਹਿੰਮ ਸ਼ਾਮਲ ਹੈ,24 ਅਕਤੂਬਰ ਨੂੰ ਤੁਰਕੀ (Turkey) ਦੀ ਰਾਜਧਾਨੀ ਅੰਕਾਰਾ ਉਸ ਸਮੇਂ ਹਿੱਲ ਗਿਆ ਜਦੋਂ ਦੋ ਹਮਲਾਵਰਾਂ ਨੇ ਤੁਰਕੀ ਦੀ ਐਰੋਸਪੇਸ ਇੰਡਸਟਰੀਜ਼ (Aerospace Industries) 'ਤੇ ਹਮਲਾ ਕਰ ਦਿੱਤਾ,ਕਾਰ 'ਚ ਆਏ ਦੋ ਹਮਲਾਵਰਾਂ ਨੇ ਅੰਨ੍ਹੇਵਾਹ ਫਾਇਰਿੰਗ (Firing) ਸ਼ੁਰੂ ਕਰ ਦਿੱਤੀ, ਜਿਸ 'ਚ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ 22 ਜ਼ਖਮੀ ਹੋ ਗਏ,ਸੁਰੱਖਿਆ ਬਲਾਂ ਨੇ ਦੋਵੇਂ ਅੱਤਵਾਦੀਆਂ ਨੂੰ ਮੌਕੇ 'ਤੇ ਹੀ ਮਾਰ ਮੁਕਾਇਆ,ਦੋ ਅੱਤਵਾਦੀਆਂ ਵਿਚ ਇਕ ਮਹਿਲਾ ਅੱਤਵਾਦੀ ਵੀ ਸ਼ਾਮਲ ਸੀ,ਹਮਲੇ ਤੋਂ ਬਾਅਦ ਤੁਰਕੀ ਦੇ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਦੋਵੇਂ ਹਮਲਾਵਰ ਪਾਬੰਦੀਸ਼ੁਦਾ ਕੁਰਦਿਸਤਾਨ ਵਰਕਰਜ਼ ਪਾਰਟੀ (ਪੀਕੇਕੇ) (PKK) ਨਾਲ ਜੁੜੇ ਹੋਏ ਹਨ।