ਚੰਡੀਗੜ੍ਹ ਅਤੇ ਅੰਮ੍ਰਿਤਸਰ ਏਅਰਪੋਰਟ 'ਤੇ ਵੀਰਵਾਰ ਸਵੇਰੇ ਯਾਤਰੀਆਂ ਨੂੰ ਭਾਰੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ

Chandigarh/Amritsar, December 5, 2025,(Azad Soch News):- ਚੰਡੀਗੜ੍ਹ (Chandigarh) ਅਤੇ ਅੰਮ੍ਰਿਤਸਰ (Amritsar) ਏਅਰਪੋਰਟ 'ਤੇ ਵੀਰਵਾਰ ਸਵੇਰੇ ਯਾਤਰੀਆਂ ਨੂੰ ਭਾਰੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਚੈੱਕ-ਇਨ ਸਿਸਟਮ (Check-in System) ਵਿੱਚ ਆਈ ਤਕਨੀਕੀ ਖਾਮੀ ਦਾ ਅਸਰ ਉਡਾਣਾਂ ਦੇ ਸੰਚਾਲਨ 'ਤੇ ਸਾਫ਼ ਦੇਖਣ ਨੂੰ ਮਿਲਿਆ, ਜਿਸਦੇ ਚੱਲਦਿਆਂ ਕਈ ਫਲਾਈਟਾਂ (Flights) ਆਪਣੇ ਤੈਅ ਸਮੇਂ ਤੋਂ ਘੰਟਿਆਂਬੱਧੀ ਦੇਰੀ ਨਾਲ ਰਵਾਨਾ ਹੋਈਆਂ।ਇਸ ਸਮੱਸਿਆ ਦਾ ਸਭ ਤੋਂ ਵੱਧ ਪ੍ਰਭਾਵ ਇੰਡੀਗੋ (IndiGo) ਏਅਰਲਾਈਨਜ਼ (Airlines) ਦੀਆਂ ਉਡਾਣਾਂ 'ਤੇ ਪਿਆ ਹੈ। ਸਵੇਰੇ 11 ਵਜੇ ਤੱਕ ਚੰਡੀਗੜ੍ਹ ਤੋਂ ਉਡਾਣ ਭਰਨ ਵਾਲੀਆਂ ਕਰੀਬ ਸੱਤ ਫਲਾਈਟਾਂ ਇਸ ਤਕਨੀਕੀ ਦਿੱਕਤ ਦੀ ਲਪੇਟ ਵਿੱਚ ਆ ਗਈਆਂ, ਜਿਸ ਨਾਲ ਏਅਰਪੋਰਟ 'ਤੇ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ।