ਵਾਈਸ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਨੂੰ ਭਾਰਤੀ ਜਲ ਸੈਨਾ ਦਾ ਨਵਾਂ ਚੀਫ ਨਿਯੁਕਤ ਕੀਤਾ ਗਿਆ
New Delhi,20 April,2024,(Azad Soch News):- ਵਾਈਸ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ (Vice Admiral Dinesh Tripathi) ਨੂੰ ਭਾਰਤੀ ਜਲ ਸੈਨਾ (Indian Navy) ਦਾ ਨਵਾਂ ਚੀਫ ਨਿਯੁਕਤ ਕੀਤਾ ਗਿਆ ਹੈ,ਕੇਂਦਰ ਸਰਕਾਰ ਨੇ ਬੀਤੀ ਰਾਤ ਇਸ ਦਾ ਐਲਾਨ ਕੀਤਾ,ਦਿਨੇਸ਼ ਤ੍ਰਿਪਾਠੀ ਮੌਜੂਦਾ ਜਲ ਫੌਜ ਮੁਖੀ ਐਡਮਿਰਲ ਆਰ ਹਰਿ ਕੁਮਾਰ ਦੀ ਜਗ੍ਹਾ ਲੈਣਗੇ,ਉਹ 30 ਅਪ੍ਰੈਲ ਨੂੰ ਰਿਟਾਇਰ ਹੋ ਰਹੇ ਹਨ,ਦਿਨੇਸ਼ ਤ੍ਰਿਪਾਠੀ ਇਸੇ ਦਿਨ ਅਹੁਦਾ ਸੰਭਾਲਣਗੇ,ਦਿਨੇਸ਼ ਤ੍ਰਿਪਾਠੀ ਅਜੇ ਜਲ ਸੈਨਾ ਸਟਾਫ (Naval Staff) ਦੇ ਵਾਈਸ ਚੀਫ ਹਨ,ਉਹ ਇਸ ਤੋਂ ਪਹਿਲਾਂ ਪੱਛਮੀ ਜਲ ਸੈਨਾ ਕਮਾਨ ਦੇ ਫਲੈਗ ਆਫਿਸਰ ਕਮਾਂਡਿੰਗ ਇਨ ਚੀਫ (Flag Officer Commanding In Chief) ਰਹਿ ਚੁੱਕੇ ਹਨ,ਆਪਣੇ 39 ਸਾਲ ਦੇ ਲੰਬੇ ਕਰੀਅਰ ਵਿਚ ਉਨ੍ਹਾਂ ਨੇ ਭਾਰਤੀ ਜਲ ਸੈਨਾ ਦੇ ਕਈ ਅਹਿਮ ਮੁੱਦਿਆਂ ‘ਤੇ ਕੰਮ ਕੀਤਾ ਹੈ।
ਵਾਈਸ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ 1 ਜੁਲਾਈ 1985ਨੂੰ ਭਾਰਤੀ ਜਲ ਸੈਨਾ ਵਿਚ ਕਮੀਸ਼ੰਡ ਹੋਏ ਸਨ,ਉਹ ਕਮਿਊਨੀਕੇਸ਼ਨ ਤੇ ਇਲੈਕਟ੍ਰਾਨਿਕ ਵਾਰਫੇਅਰ ਸਪੈਸ਼ਲਿਸਟ ਹਨ,ਉਹ ਹਵਾਈ ਫੌਜ ਦੇ ਫਰੰਟਲਾਈਨ ਯੁੱਧਾਂ ‘ਤੇ ਸਿਗਨਲ ਕਮਿਊਨੀਕੇਸ਼ਨ ਆਫਿਸਰ ਤੇ ਇਲੈਕਟ੍ਰਾਨਿਕ ਵਾਰਫੇਅਰ ਆਫਿਸਰ ਰਹੇ ਹਨ,ਉਨ੍ਹਾਂ ਨੇ ਗਾਈਡੇਡ ਮਿਜ਼ਾਈਲ ਡਿਸਟ੍ਰਾਇਰ INS ਮੁੰਬਈ ਦੇ ਐਗਜ਼ੀਕਿਊਟਿਵ ਆਫਿਸਰ ਤੇ ਪ੍ਰਿੰਸੀਪਲ ਵਾਰਫੇਅਰ ਆਫਿਸਰ ਵਜੋਂ ਵੀ ਕੰਮ ਕੀਤਾ ਹੈ,ਦਿਨੇਸ਼ ਤ੍ਰਿਪਾਠੀ ਨੇ INS ਕਿਰਚ, ਤ੍ਰਿਸ਼ੂਲ ਤੇ ਵਿਨਾਸ਼ ਵਰਗੇ ਹਵਾਈ ਫੌਜ ਜਹਾਜ਼ਾਂ ਦੀ ਕਮਾਨ ਵੀ ਸੰਭਾਲੀ ਹੈ,ਉਨ੍ਹਾਂ ਨੇ ਕਈ ਅਹਿਮ ਆਪ੍ਰੇਸ਼ਨਲ ਤੇ ਸਟਾਫ ਨਿਯੁਕਤੀਆਂ ‘ਤੇ ਵੀ ਕੰਮ ਕੀਤਾ ਹੈ,ਇਸ ਵਿਚ ਮੁੰਬਈ ਵਿਚ ਪੱਛਮੀ ਬੇੜੇ ਦੇ ਫਲੀਟ ਆਪ੍ਰੇਸ਼ਨਸ ਆਫਿਸਰ, ਡਾਇਰੈਕਟਰ ਆਫ ਨੇਵਲ ਆਪ੍ਰੇਸ਼ਨਲ, ਪ੍ਰਿੰਸੀਪਲ ਡਾਇਰੈਕਟਰ ਨੈਟਵਰਕ ਸੈਂਟ੍ਰਿਕ ਆਪ੍ਰੇਸ਼ਨਸ ਤੇ ਨਵੀਂ ਦਿੱਲੀ ਵਿਚ ਪ੍ਰਿੰਸੀਪਲ ਡਾਇਰੈਕਟਰ ਨੇਵਲ ਪਲਾਨਸ ਸ਼ਾਮਲ ਹਨ।