ਰੋਬੋਟ ਵਿਵਾਦ ਤੋਂ ਬਾਅਦ Galgotias University ‘ਤੇ ਐਕਸ਼ਨ

New Delhi,18,FEB,2026,(Azad Soch News):-  ਗਲਗੋਟੀਆ ਯੂਨੀਵਰਸਿਟੀ ਨੂੰ ਰੋਬੋਟ ਕੁੱਤੇ (robotic dog) ਦੇ ਵਿਵਾਦ ਤੋਂ ਬਾਅਦ ਨਵੀਂ ਦਿੱਲੀ ਵਿੱਚ ਚੱਲ ਰਹੇ India AI Impact Summit ਦੇ ਐਕਸਪੋ ਏਰੀਆ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।

ਵਿਵਾਦ ਕੀ ਸੀ?

ਸਮਿਟ ਵਿੱਚ ਗਲਗੋਟੀਆ ਯੂਨੀਵਰਸਿਟੀ ਨੇ ਇੱਕ robotic dog (ਚੀਨੀ ਕੰਪਨੀ Unitree Robotics ਦਾ Go2 ਮਾਡਲ) ਆਪਣੇ Centre of Excellence ਦੀ ਇਨੋਵੇਸ਼ਨ ਵਜੋਂ ਦਿਖਾਇਆ, ਜਿਸ ਨੂੰ ਬਾਅਦ ਵਿੱਚ ਚੀਨ ਵਿੱਚ ਬਣਿਆ ਕਮਰਸ਼ੀਅਲ ਪ੍ਰੋਡਕਟ ਦੱਸਿਆ ਗਿਆ,ਸੋਸ਼ਲ ਮੀਡੀਆ ਉੱਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਯੂਨੀਵਰਸਿਟੀ ਉੱਤੇ ਇਮਪੋਰਟਡ ਟੈਕਨੋਲੋਜੀ ਨੂੰ ਆਪਣੀ ਇਨੋਵੇਸ਼ਨ ਵਜੋਂ ਦਿਖਾਉਣ ਦਾ ਭਾਰੀ ਵਿਰੋਧ ਹੋਇਆ।

ਸਮਿਟ ਤੋਂ ਬਾਹਰ ਕਿਉਂ ਕੀਤਾ ਗਿਆ?

ਸਰਕਾਰੀ ਅਤੇ ਆਯੋਜਕ ਸੂਤਰਾਂ ਮੁਤਾਬਕ ਭਰੋਸੇਯੋਗਤਾ ਦੇ ਮੁੱਦੇ ਅਤੇ ਭਰਮਾਂਤ ਦਾਅਵਿਆਂ ਕਾਰਨ ਯੂਨੀਵਰਸਿਟੀ ਨੂੰ ਐਕਸਪੋ ਏਰੀਆ ਤੁਰੰਤ ਖਾਲੀ ਕਰਨ ਦਾ ਆਦੇਸ਼ ਦਿੱਤਾ ਗਿਆ।ਯੂਨੀਵਰਸਿਟੀ ਦੇ ਸਟਾਲ ਉੱਤੇ ਲੱਗੇ ਸਾਰੇ ਉਪਕਰਣ ਅਤੇ robotic dog ਨੂੰ ਹਟਾ ਦਿੱਤਾ ਗਿਆ, ਅਤੇ ਇਸ ਨੂੰ ਸਮਿਟ ਦੇ ਮੁੱਖ ਐਕਸਪੋ ਤੋਂ ਹਟਾ ਦਿੱਤਾ ਗਿਆ।

ਯੂਨੀਵਰਸਿਟੀ ਦੀ ਪ੍ਰਤੀਕ੍ਰਿਆ

ਗਲਗੋਟੀਆ ਨੇ ਕਿਹਾ ਕਿ ਉਹ ਇਸ robotic dog ਨੂੰ ਆਪਣਾ ਬਣਿਆ ਹੋਇਆ ਪ੍ਰੋਡਕਟ ਨਹੀਂ ਸੀ ਦੱਸ ਰਹੀ, ਸਗੋਂ ਇਸਨੂੰ ਸਿਰਫ਼ ਸਿਖਲਾਈ ਅਤੇ ਰਿਸਰਚ ਲਈ ਵਰਤਿਆ ਜਾ ਰਿਹਾ ਸੀ।ਪਰ ਸੋਸ਼ਲ ਮੀਡੀਆ ਉੱਤੇ ਇੱਕ community note ਨੇ ਇਸ ਦਾਅਵੇ ਨੂੰ ਗਲਤ ਅਤੇ ਭਰਮਾਂਤ ਦੱਸਿਆ, ਕਿਉਂਕਿ ਸਮਿਟ ਵਿੱਚ ਇਸਨੂੰ “Orion” ਨਾਮ ਨਾਲ ਯੂਨੀਵਰਸਿਟੀ ਟੀਮ ਦੀ ਇਨੋਵੇਸ਼ਨ ਵਜੋਂ ਪੇਸ਼ ਕੀਤਾ ਗਿਆ ਸੀ।