ਫ਼ਰੀਦਕੋਟ 5 ਫਰਵਰੀ 2025 ( ) ਡਿਪਟੀ ਕਮਿਸ਼ਨਰ ਸ਼੍ਰੀ ਵਿਨੀਤ ਕੁਮਾਰ ਨੇ ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ, ਜਿਲ੍ਹੇ ਦੀਆਂ ਸਮੂਹ ਪੰਚਾਇਤਾਂ ਨੂੰ ਹਦਾਇਤ ਕੀਤੀ ਹੈ ਕਿ ਮਹਾਤਮਾ ਗਾਂਧੀ ਨਰੇਗਾ ਅਤੇ ਪ੍ਰਧਾਨ ਮੰਤਰੀ ਅਵਾਸ ਯੋਜਨਾ ਗ੍ਰਾਮੀਣ ਸਕੀਮ ਚਾਲੂ ਹੋਣ ਅਤੇ ਕੈਲੰਡਰ ਜਾਰੀ ਹੋਣ ਦੀ ਮਿਤੀ ਤੱਕ ਦਾ ਸੋਸ਼ਲ ਆਡਿਟ ਜਲਦ ਤੋਂ ਜਲਦ ਕਰਵਾਇਆ ਜਾਵੇ। ਉਨ੍ਹਾਂ ਦੱਸਿਆ ਕਿ ਆਡਿਟ ਟੀਮਾਂ ਗ੍ਰਾਮ ਪੰਚਾਇਤ ਦੇ ਆਡਿਟ ਕਰਨ ਲਈ ਪਿੰਡਾਂ ਵਿਚ ਜਾਣਗੀਆਂ।
ਡਿਪਟੀ ਕਮਿਸ਼ਨਰ ਵਿਨੀਤ ਕੁਮਾਰ ਨੇ ਕਿਹਾ ਕਿ ਮਹਾਤਮਾ ਗਾਂਧੀ ਨਰੇਗਾ ਅਤੇ ਪ੍ਰਧਾਨ ਮੰਤਰੀ ਅਵਾਸ ਯੋਜਨਾ ਗ੍ਰਾਮੀਣ ਦੇ ਸਮੁੱਚੇ ਸਟਾਫ ਸਮੇਤ ਏ.ਪੀ.ਓ, ਜੇ.ਈ, ਟੀ.ਏ.ਜੀ.ਆਰ.ਐਸ ਵੱਲੋਂ ਸੋਸਲ ਆਡਿਟ ਟੀਮ ਨਾਲ ਸਹਿਯੋਗ ਅਤੇ ਸਮੇਂ ਸਿਰ ਸਮੁੱਚਾ ਰਿਕਾਰਡ ਪੇਸ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਸੋਸ਼ਲ ਆਡਿਟ ਦੌਰਾਨ ਕੀਤੇ ਗਏ ਕੰਮਾਂ ਦੀ ਸਬੰਧਿਤ ਸਕੀਮ ਦੇ ਸਟਾਫ ਵਲੋ ਫਿਜੀਕਲ ਵੈਰੀਫਿਕੇਸ਼ਨ/ਮਿਣਤੀ ਕਰਵਾਈ ਜਾਵੇ।
ਉਨ੍ਹਾਂ ਕਿਹਾ ਕਿ ਸਬੰਧਤ ਸਕੀਮਾਂ ਦੀਆਂ ਭਾਰਤ ਸਰਕਾਰ ਵੱਲੋਂ ਜਾਰੀ ਗਾਈਡਲਾਈਨਜ ਅਨੁਸਾਰ ਗ੍ਰਾਮ ਸਭਾ ਦੌਰਾਨ ਸਬੰਧਿਤ ਅਧਿਕਾਰੀ/ਕਰਮਚਾਰੀ ਸਮੇਤ ਏ.ਪੀ.ਓ, ਟੀ.ਏ.ਜੀ.ਆਰ.ਐਸ ਦੀ ਹਾਜ਼ਰੀ ਯਕੀਨੀ ਬਣਾਉਣ ਤਾਂ ਜੋ ਪਾਈਆ ਗਈਆਂ ਖਾਮੀਆਂ ਮੌਕੇ ਤੇ ਹੀ ਦੂਰ ਕੀਤੀਆਂ ਜਾ ਸਕਣ । ਇਸ ਸਬੰਧੀ ਸਮੁੱਚੀਆਂ ਏਜੰਸੀਆਂ ਸਮੇਤ ਲਾਈਨ ਵਿਭਾਗ ਜਿਨ੍ਹਾਂ ਰਾਹੀ ਮਹਾਤਮਾ ਗਾਂਧੀ ਨਰੇਗਾ ਅਤੇ ਪ੍ਰਧਾਨ ਮੰਤਰੀ ਅਵਾਸ ਯੋਜਨਾ ਗ੍ਰਾਮੀਣ ਤਹਿਤ ਕੰਮ ਕਰਵਾਇਆ ਗਿਆ ਹੈ, ਉਨ੍ਹਾਂ ਨੂੰ ਹੋਣ ਵਾਲੇ ਸੋਸ਼ਲ ਆਡਿਟ ਦੀ ਸਮੇਂ ਸਿਰ ਜਾਣਕਾਰੀ ਦਿੱਤੀ ਜਾਵੇ।
ਡਿਪਟੀ ਕਮਿਸ਼ਨਰ ਨੇ ਹਦਾਇਤ ਕੀਤੀ ਕਿ ਸੋਸਲ ਆਡਿਟ ਗ੍ਰਾਮ ਸਭਾ ਦੌਰਾਨ ਨਿਰਪੱਖ ਅਬਜਰਵਰ ਲਗਾਇਆ ਜਾਵੇ। ਨਿਰਪੱਖ ਅਬਜਰਵਰ ਪੇਂਡੂ ਵਿਕਾਸ ਤੇ ਪੰਚਾਇਤਾਂ ਵਿਭਾਗ ਦਾ ਨਹੀਂ ਹੋਣਾ ਚਾਹੀਦਾ।
ਉਨ੍ਹਾਂ ਕਿਹਾ ਕਿ ਜਿਲ੍ਹਾ ਪ੍ਰੋਗਰਾਮ ਕੋਆਰਡਿਨੇਟਰ ਮਹਾਤਮਾ ਗਾਂਧੀ ਨਰੇਗਾ ਵੱਲੋਂ ਨਾਮਜ਼ਦ ਉੱਚ ਦਰਜੇ ਦੇ ਅਧਿਕਾਰੀ ਦਾ ਗ੍ਰਾਮ ਸਭਾ ਵਿੱਚ ਹਾਜ਼ਰ ਹੋਣਾ ਯਕੀਨੀ ਬਣਾਉਣ ਦੇ ਲਈ ਕਿਹਾ ਤਾਂ ਜੇ ਸੋਸ਼ਲ ਆਡਿਟ ਗ੍ਰਾਮ ਸਭਾ ਦੀ ਕਾਰਵਾਈ ਸਹੀ ਢੰਗ ਨਾਲ ਹੋ ਸਕੇ ।
ਉਨ੍ਹਾਂ ਕਿਹਾ ਕਿ ਸੋਸ਼ਲ ਆਡਿਟ ਗ੍ਰਾਮ ਸਭਾ ਸਬੰਧੀ ਸਮੁੱਚਾ ਪ੍ਰਚਾਰ / ਪਰਸਾਰ ਕਰਵਾਇਆ ਜਾਵੇ ਤਾਂ ਜੋ ਵੱਧ ਤੋਂ ਵੱਧ ਲੋਕ ਗ੍ਰਾਮ ਸਭਾ ਵਿੱਚ ਸਾਮਲ ਹੋ ਸਕਣ।
-(24).jpeg)
212.jpg)
