New Delhi,06 NOV,2024,(Azad Soch News):- ਨਿਊਜ਼ੀਲੈਂਡ ਖਿਲਾਫ ਤਿੰਨ ਟੈਸਟ ਮੈਚਾਂ ਦੀ ਸੀਰੀਜ਼ ‘ਚ ਮਿਲੀ ਕਰਾਰੀ ਹਾਰ ਤੋਂ ਬਾਅਦ ਆਈਸੀਸੀ (ICC) ਨੇ ਇਕ ਵਾਰ ਫਿਰ ਟੈਸਟ ਰੈਂਕਿੰਗ ਜਾਰੀ ਕੀਤੀ ਹੈ,ਇਸ ਦੌਰਾਨ ਭਾਰਤੀ ਟੀਮ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ (Rishabh Pant) ਨੂੰ ਮਾਮੂਲੀ ਫਾਇਦਾ ਹੋਇਆ ਹੈ,ਜਦਕਿ ਯਸ਼ਸਵੀ ਜੈਸਵਾਲ ਨੂੰ ਮਾਮੂਲੀ ਨੁਕਸਾਨ ਹੋਇਆ ਹੈ,ਜੇਕਰ ਰੋਹਿਤ ਸ਼ਰਮਾ (Rohit Sharma) ਅਤੇ ਵਿਰਾਟ ਕੋਹਲੀ (Virat Kohli) ਦੀ ਗੱਲ ਕਰੀਏ ਤਾਂ ਇਹ ਦੋਵੇਂ ਸਟਾਰ ਬੱਲੇਬਾਜ਼ ਹੁਣ ਟਾਪ 10 ਤੋਂ ਕਾਫੀ ਦੂਰ ਚਲੇ ਗਏ ਹਨ,ਆਈਸੀਸੀ (ICC) ਵੱਲੋਂ ਜਾਰੀ ਟੈਸਟ ਰੈਂਕਿੰਗ ਵਿੱਚ ਇੰਗਲੈਂਡ ਦੇ ਜੋਅ ਰੂਟ ਅਜੇ ਵੀ ਪਹਿਲੇ ਨੰਬਰ ’ਤੇ ਕਾਬਜ਼ ਹਨ,ਉਨ੍ਹਾਂ ਦੀ ਰੇਟਿੰਗ 903 ਹੈ,ਵਿਰਾਟ ਕੋਹਲੀ (Virat Kohli) ਦੀ ਗੱਲ ਕਰੀਏ ਤਾਂ ਇਸ ਵਾਰ ਉਹ ਕੁੱਲ 8 ਸਥਾਨ ਹੇਠਾਂ ਚਲੇ ਗਏ ਹਨ,ਉਨ੍ਹਾਂ ਦੀ ਰੇਟਿੰਗ ਡਿੱਗ ਕੇ 655 ਹੋ ਗਈ ਹੈ ਅਤੇ ਉਹ 22ਵੇਂ ਨੰਬਰ ‘ਤੇ ਹਨ,ਜੇਕਰ ਰੋਹਿਤ ਸ਼ਰਮਾ (Rohit Sharma) ਦੀ ਗੱਲ ਕਰੀਏ ਤਾਂ ਉਹ ਸਿੱਧੇ 26ਵੇਂ ਨੰਬਰ ‘ਤੇ ਪਹੁੰਚ ਗਏ ਹਨ,ਉਨ੍ਹਾਂ ਨੂੰ ਦੋ ਸਥਾਨਾਂ ਦਾ ਨੁਕਸਾਨ ਹੋਇਆ ਹੈ।
212.jpg)
