Vivo ਦਾ V50e ਭਾਰਤ 'ਚ ਜਲਦ ਹੀ ਲਾਂਚ ਕੀਤਾ ਜਾਵੇਗਾ

New Delhi,02,APRIL,2025,(Azad Soch News):- ਚੀਨੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Vivo ਦਾ V50e ਜਲਦ ਹੀ ਦੇਸ਼ 'ਚ ਲਾਂਚ ਕੀਤਾ ਜਾਵੇਗਾ,ਕੰਪਨੀ ਨੇ ਇਸ ਸਮਾਰਟਫੋਨ ਦੇ ਰੰਗਾਂ ਅਤੇ ਮੁੱਖ ਵਿਸ਼ੇਸ਼ਤਾਵਾਂ ਦਾ ਖੁਲਾਸਾ ਕੀਤਾ ਹੈ,ਇਸ ਵਿੱਚ 120 Hz ਦੀ ਰਿਫਰੈਸ਼ ਦਰ ਦੇ ਨਾਲ ਇੱਕ ਕਵਾਡ-ਕਰਵਡ ਡਿਸਪਲੇ (Quad-Curved Display) ਹੋਵੇਗੀ,ਇਹ ਕੰਪਨੀ ਦੇ V40e ਦੀ ਥਾਂ ਲਵੇਗਾ ਜੋ ਪਿਛਲੇ ਸਾਲ ਪੇਸ਼ ਕੀਤਾ ਗਿਆ ਸੀ।

V50e ਭਾਰਤ ਵਿੱਚ Vivo ਦੀ ਵੈੱਬਸਾਈਟ 'ਤੇ 'Coming Soon' ਦੇ ਟੈਗ ਨਾਲ ਸੂਚੀਬੱਧ ਹੈ, ਹਾਲਾਂਕਿ ਕੰਪਨੀ ਨੇ ਇਸ ਦੀ ਲਾਂਚਿੰਗ ਡੇਟ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ,ਇਸਨੂੰ ਪਰਲ ਵ੍ਹਾਈਟ ਅਤੇ ਸੈਫਾਇਰ ਬਲੂ ਰੰਗਾਂ ਵਿੱਚ ਉਪਲਬਧ ਕਰਵਾਇਆ ਜਾਵੇਗਾ,ਇਸ ਵਿੱਚ 120 Hz ਦੀ ਰਿਫਰੈਸ਼ ਦਰ ਦੇ ਨਾਲ ਪਤਲੇ ਬੇਜ਼ਲ ਦੇ ਨਾਲ ਇੱਕ ਕਵਾਡ-ਕਰਵਡ ਡਿਸਪਲੇਅ (Quad-Curved Display) ਹੋਵੇਗੀ,ਇਸ ਸਮਾਰਟਫੋਨ ਦਾ ਫਰੇਮ ਮੈਟਲ (Frame Metal) ਦਾ ਹੈ।

ਇਸ ਵਿੱਚ ਵਰਟੀਕਲ ਕੈਮਰਾ ਮੋਡਿਊਲ ਅਤੇ ਔਰਾ ਲਾਈਟ ਹੋਵੇਗੀ,ਇਸ ਸਮਾਰਟਫੋਨ ?Smartphone) 'ਚ ਸੋਨੀ ਦਾ ਮਲਟੀਫੋਕਲ ਪ੍ਰੋ ਪੋਰਟਰੇਟ ਕੈਮਰਾ (Multifocal Pro Portrait Camera) ਤਿੰਨ ਫੋਕਲ ਲੈਂਥ ਵਾਲਾ ਹੋਵੇਗਾ,ਇਸ ਦੇ ਫਰੰਟ 'ਚ ਸੈਲਫੀ ਅਤੇ ਵੀਡੀਓ ਕਾਲ ਲਈ 50 ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਜਾਵੇਗਾ,ਇਸ ਦੇ ਫਰੰਟ ਅਤੇ ਰੀਅਰ ਕੈਮਰੇ 4K ਵੀਡੀਓ ਰਿਕਾਰਡਿੰਗ ਦੀ ਸਮਰੱਥਾ ਦੇ ਨਾਲ ਹੋਣਗੇ।