ਸੀਰੀਆ 'ਚ ਸਰਕਾਰ ਤੇ ਬਾਗ਼ੀਆਂ ਵਿਚਕਾਰ ਕਿਉਂ ਹੋ ਰਿਹਾ ਟਕਰਾਅ,60 ਲੱਖ ਲੋਕ ਬੇਘਰ

Syria,07 DEC,2024,(Azad Soch News):- ਸੀਰੀਆ ਦੇ ਦੋ ਸ਼ਹਿਰਾਂ ‘ਤੇ ਕਬਜ਼ਾ ਕਰ ਲਿਆ ਸੀ,ਉਦੋਂ ਤੋਂ ਲੈ ਕੇ ਹੁਣ ਤੱਕ ਇਸ ਸੰਘਰਸ਼ ਵਿੱਚ ਕਰੀਬ 3 ਲੱਖ ਲੋਕ ਮਾਰੇ ਜਾ ਚੁੱਕੇ ਹਨ ਅਤੇ 60 ਲੱਖ ਲੋਕ ਬੇਘਰ ਹੋ ਚੁੱਕੇ ਹਨ,ਇਨ੍ਹਾਂ ਘਟਨਾਵਾਂ ਨੇ ਇਕ ਵਾਰ ਫਿਰ ਦੁਨੀਆ ਨੂੰ ਯਾਦ ਦਿਵਾਇਆ ਹੈ ਕਿ ਸੀਰੀਆ ਵਿਚ 14 ਸਾਲ ਪਹਿਲਾਂ ਸ਼ੁਰੂ ਹੋਈ ਇਹ Civil War (ਗ੍ਰਹਿਯੁੱਧ) ਅਜੇ ਖਤਮ ਨਹੀਂ ਹੋਈ,ਆਖ਼ਰ ਇਹ ਜੰਗ ਕਿਉਂ ਹੋ ਰਹੀ ਹੈ ਅਤੇ ਇਹ ਅਜੇ ਤੱਕ ਖ਼ਤਮ ਕਿਉਂ ਨਹੀਂ ਹੋਈ ਅਤੇ ਹਾਲ ਹੀ ਵਿਚ ਇਹ ਮੁੜ ਕਿਉਂ ਭੜਕ ਗਈ ਹੈ? ਆਓ ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਇਕ-ਇਕ ਕਰਕੇ ਸਮਝੀਏ।2011 ਵਿੱਚ ਸੀਰੀਆ (Syria) ਵਿੱਚ ਤਤਕਾਲੀ ਤਾਨਾਸ਼ਾਹ ਰਾਸ਼ਟਰਪਤੀ ਬਸ਼ਰ ਅਲ-ਅਸਦ (Dictator President Bashar al-Assad) ਨੂੰ ਸੱਤਾ ਤੋਂ ਹਟਾਉਣ ਲਈ ਪ੍ਰਦਰਸ਼ਨ ਹੋਏ ਸਨ, ਪਰ ਉਸ ਅੰਦੋਲਨ ਨੂੰ ਅਸਦ ਸਰਕਾਰ ਦੀ ਫੌਜ ਨੇ ਕੁਚਲ ਦਿੱਤਾ ਸੀ। ਇਸ ਤੋਂ ਬਾਅਦ, ਇੱਕ ਹਥਿਆਰਬੰਦ ਵਿਰੋਧ ਸ਼ੁਰੂ ਹੋਇਆ, ਜਿਸ ਵਿੱਚ ਸ਼ੁਰੂ ਵਿੱਚ ਛੋਟੇ ਅੱਤਵਾਦੀ ਅਤੇ ਸੀਰੀਆਈ ਫੌਜ ਦੇ ਕੁਝ ਬਾਗੀ ਸ਼ਾਮਲ ਸਨ,ਇਹ ਸਾਰੀਆਂ ਤਾਕਤਾਂ ਉਸ ਵੇਲੇ ਇੱਕ ਨਹੀਂ ਸਨ ਅਤੇ ਇਨ੍ਹਾਂ ਦੀਆਂ ਵਿਚਾਰਧਾਰਾਵਾਂ ਵੀ ਵੱਖੋ-ਵੱਖਰੀਆਂ ਸਨ ਪਰ ਇਨ੍ਹਾਂ ਸਾਰਿਆਂ ਦਾ ਟੀਚਾ ਅਸਦ ਸਰਕਾਰ ਨੂੰ ਹਟਾਉਣਾ ਸੀ,ਉਨ੍ਹਾਂ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਵਿਦੇਸ਼ੀ ਸ਼ਕਤੀਆਂ ਦਾ ਸਮਰਥਨ ਵੀ ਮਿਲਿਆ ਜਿਸ ਵਿੱਚ ਤੁਰਕੀ, ਸਾਊਦੀ ਅਰਬ, ਯੂਏਈ ਅਤੇ ਇੱਥੋਂ ਤੱਕ ਕਿ ਅਮਰੀਕਾ ਵੀ ਸ਼ਾਮਲ ਸੀ।